TACLOBAN CITY — Nakompiska han mga kapulisan samtang nagdudumara hin mobile patrol an truck hin mga illegal nga coco lumber ha Brgy. Gen. A. Luna, bungto han Mayorga, Leyte.
Ginkilala an mga nadakop nga hira Julito Baleros y Getes, 60 anyos, residente han Brgy. Himus-unan, Saint Bernard, Southern Leyte, Danilo Maronero y Dugos, 42 anyos, residente han Brgy. Tuburan, Hinunangan, Southern ngan Rodolfo Pinca y Juampit, 35 residente han Brgy. Eco, Mondragon, Northern Samar.
Nakompiska ha mga ini an 150 pieces han iba iba nga dimension han coco lumber ngan truck nga ginkargahan hinin.
Ginturn over naman ha Philippine Coconut Authority an narekober nga mga coco lumber samtang nagpapabilin naman ha kustodiya han mga kapulisan an nagkakadakop.
