“Deri tuod an mga akusasyon kontra ha amon ngan deri patas an guin dumara nga imbestigasyon han ombudsman mahitungod nga waray sunda an due process of Law”
Ini an reaction ni Chief Supt. Asher Dolina han naguin kamanduhan han Ombudsman nga hiya in e dismiss pagka police mahitungod han waray nira pag sunod han proseso han pamalit han patrol boats para han Maritime Police nga nakantidad hin 5 Million Pesos ngan an pag pabor nira hin usa la nga supplier.
Natabo an mao nga transaction hadton 2009 han na assign pa hiya ha ha national headquarters han PNP ha Camp Crame .
Sumala pa kan Dolina nga waray tagi hin patas nga panginano an ira mga affidavits ngan mga ebidensiya sugad han video coverage nga mag papamatuod nga nagkaada hin bidding han pamalit han mao nga mga patrol Boats.
An mga ebidensiya naman han ombudsman amo an masunod:
1. Waray public bidding han pamalit han mga Patrol Boats
2. Damo an mga depekto ngan kulang hin mga parts an mga an mga ini.
3. an supplier in waray kapas legally, technically ngan financially mahitungod nga an opisina hini in nahimumutang la ha usa nga residential area ngan deri kilala nga nagbabaligya hin mga sarakyan pandagat.
Pero ha luyo hini kinarawat la gihapon han PNP an mga patrol boats ngan binayaran an supplier. Dara Hini hi Dolina ngan 18 pa nga iba nga mga opisyal han PNP in guin dismiss han ombudsman.
Labot la han Dismissal Order han ombudsman, deri makaka karawat han ira mga benipisyo kumo mga police an mga nahidadabi lakip na an pag kansela han ira civil service eligibility ngan an deri na paka trabaho ha mga ahensiya han gobyerno for life.
Hi Dolina amo yana iton Regional Director han PNP ha Rehiyon 8 tikang pa hadton naglabay nga tuig 2014.
