Padayon nga mag trabaho.
Ini an panawagan ni DILG-8 Director Pedro A. Noval ha mga incumbent elected officials nga nag file han ira mga certificate of candidacy para hiton sunod nga tuig nga election.
Sumala pa kan Noval nga hiton June 30, 2016 pa ma huhuman iton termino han mga incumbent officials ngan padayon hira nga makarawat han ira sweldo ngan mga allowances sanglit waray rason nga deri hira mag tratrabaho .
May mga panhitabo nga deri na nag tratrabaho an mga nag file han ira COC mahitungod han sayo nga pangampanya han mga politiko dugang pa ni Noval.
Guin aghat gihapon ni Noval adton mga botante nga mag pa kuha han ira mga biometrics data agud maka botos hit tidaraon nga election. Para hadton bag-o naman nga mga botante nga mag parehistro agud maka botos.
Tubtub nala October 31, 2016 an validation ngan registration han mga botante ha mga opisina han comelec.
Pamatii an pahayag ni DILG-8 Director Pedro Noval.
