Tacloban City – “Sige iton amon follow up nga maipatuman na an livelyhood assistance ha mga benificiaries”.
Ini an naguin baton ni Badeth Navarra ngan Norman Uyvico han Department of Labor and Employment ha rehiyon otso kasumpay han mao nga proyekto.
Nahibaruan ha isumat.com nga Hadton hulyo pa yana nga tuig na download an 10 Million Pesos nga Livelyhood assistance para ha Pastrana, Leyte pero waray pa ini maipatuman han Munisipyo mahitungod han ka kulang daw hin mga supplier han mga higamit nga ihahatag ha mga beneficiaries.
Ha ilarom han patakaran han DOLE ha pag patuman han proyekto, dire cash an ihahatag kundi an LGU Pastrana amo an mapalit han mga higamit nga ihahatag ha mga benificiaries depende han ira livelyhood program nga napili sugad han pag karenderia,pag panadero ngan pag hayop hin baboy ngan Ipapaagi hin bidding an pag palit han mga supply para han mga interesado nga mga supplier.
Pira nga mga benifeciaries nga waray la mag pakilala an nagrekreklamo kon kay ano nga waray pa ka ipapatuman an mao nga proyekto ha luyo han paglabay hin haros upat ka bulan tikang ma release an pundo ngada ha munisipyo.
Waray pa opisyal nga pahayag hi Mayor Ernesto Martillo ngan Councilor Jocelyn Ala an Public Employment Services Office Manager mahitungod hini nga issue.
Pamatii an mga pahayag ni Badeth Navarra an Chief han Leyte Norte operation han DOLE-8 ngan Norman Uyvico Labor Employment Officer 3.
