Isumat.com/Marso 18, 2022
Dako an posibilidad nga mayda mga rebelde nga kumunista an nakatagamtam na han bakuna kontra Covid-19, sumala kan DOH Regional Information Officer Jelyn Lopez Malibago.
Ha interview han iFM-RMN, nagsering hi Malibago nga an DOH ug an mga Local Government Units in may mga medical personnel nga napakadto hin tay-aw nga mga lugar basi manmakuna han mga baryuhanon ngan posible pira nga rebelde an nagkababakunahan.
Ginklaro niya nga an DOH in deri nagpipili kun hin-o an babakunahan, sanglit bisan hin-o basta waray problema ha panlawas ngan kwalipikado bakunahan, matuturukan han vaccine. Deri man gihapon makikilal-an nga rebelde an magpapabakuna labi na kun waray dara nga armas ngan makikidungan han kadam-an nga sibilyan.
An panuyo han DOH amo an katalwasan han ngatanan kontra han mga sakit, sanglit ira obligasyon nga bakunahan an ngatanan.
Igindugang pa ni Malibago nga abri an DOH han posibilidad nga pumakadto hira ha kampo han NPA kun hahangyoon ini han mga rebelde, pero kinahanglan may-ada ini hul-os ngan kasarabutan basi deri mahibutang ha peligro an kinabuhi han medical personnel.#
