Isumat.com/Pebrero 23, 2022
Naanaw an kinabuhi hin usa nga lalaki upod han ka-ugbaw han iya balay dida han sunog nga natabo ha Purok Saging, Brgy 62, Tacloban City pasado alas 8 han aga, Pebrero 23, 2022.
Ha inisyal nga report han Bureau of Fire Protection-Tacloban, ginkilala an biktima nga hi Arnulfo Olaya, tag-iya han usa han upat nga balay nga nadarahigan han kalayo.
Hi Olaya in na-trap ngan waray na makahimo pakagawas han iya panimalay ha butnga han naglalalahinggab nga kalayo.
Ginbanabana nga maabot hin 200 Mil pesos an kantidad han distroso han sunog, sumala han BFP.
Tobtob han ginsusurat ini nga notisya, waray pa magpahayag an BFP kun ano an hinungdan han kalayo.#
