Bumalik na an normal nga operasyon han mga banko ha siyudad han Tacloban mahuman nga ini in ma apektuhan han pag lasurbo han bagyo odette ha bisayas ngan mindanao hadton December 12, 20021.
Ini an gin sumat ni Francisco “Kiko” Barredo an presidente han Tacloban Bankers Association ha interview han 99.1 IFM RMN Tacloban ha programa nga “Straight To the Point” ni Eduard Sañagan.
Sumala kan Barredo nga nagka ada hin problema an mga transaction ha mga banko tungod han nagin epekto han mga linya han komunikasyon han mga telecomunication companies sugad han Globe ngan smart mahitungod han bagyo odette.
An kawara anay han komunikasyon hin pira ka adlaw labi na han Globe Telecommunications in nagin hinungdan han ka “off-line” han mga banko nga nag resulta han ka waray o limitado nga mga tranctions sugad man an ka halaba nga pila ha mga Automated Teller Machines (ATM) padisan pa nga nagka durongan an sweldo ngan pan hatag han mga christmas bonus.
Sumala pa kan Barredo nga mas dumamo pa an mga transaction ha mga banko tungod han mga padara nga kuarta tikang ha magka lainlain nga lugar para han mga na apektuhan han bagyo ug sugad man an pag damo han mga kliyente nga tikang pa ha southern leyte nga grabe nga na apektuhan han bagyo odette.
