Nagkaada hin close contact nga may covid hi Alangalang Mayor Lovell anne Yu hinungdan nga natapnan hiya han virus.
Ha interview han isumat.com gin patapod niya nga aada hiya ha maupay nga kabutang bisan kon hiya in naka eksperyensiya han mga sintomas sugad han hiranant, ubo ngan sip-on ngan an ka waray panrasa han iya pag kaon.
Sumala pa haiya nga upod nga natapnan han virus an iya chief of police nga Police Major Arturo Salvacion nga yana in naka quarantine na gihapon.
Hadton meyerkules pa hiya han naglabay nga semana nga nag isolate kahuman nga makaabat hin malain haiya lawas ngan hadton sabado la liwat hiya na swab ngan kagab-i la liwat gumawas an resulta.
