Isumat.com/7:51AM, Pebrero 19, 2021
Ha kadagmitan nga panahon, panmamatayon nala an ngatanan nga baboy nga nasasakop han 500-metros nga distansya tikang han nadiskubre nga natapnan nga baboy ha Brgy Pawa, Burauen, Leyte.
Ini in kataliwan la kumpirmaron han Department of Agriculture nga mayda baboy nga nagpositibo han African Swine Fever (ASF) didto han nasabi nga barangay. Hinungdan hini, igmamando han Municipal Agriculturist Office han bungto an panmatay ngan panlubong han kababuyan nga nasasakop han 500-meter radius basi deri na magsarang pa an kagaw.
Kadungan hini, ginhahangyo han LGU-Burauen an mga tag-iya hin baboy didto han nasabi nga lugar nga tim-os makigkooperar ha mga otoridad basi deri na magtikadako pa an problema han ASF. Ini an gisasyahani nga kaso han virus didto ha Burauen.
Maghihimo gihapon hin mga pitad an LGU basi deri ma-apektaran an presyo han iba nga produkto hin karne sugad han manok, pati na gihapon an isda tungod hini nga sitwasyon.
Igindederi na gihapon nga mayda makasulod ngan makagawas nga baboy o karne hin baboy ngadto o tikang ha Burauen.
Antis pa hini, nahireport na an mga kaso han ASF ha Abuyog, La Paz, Javier, Tanauan, Palo Dulag ngan MacArthur. #
