Mahitungod han kaso han African Swine Fever (ASF) ha bungto han abuyog deri na tutugotan nga maka sulod ha probinsiya han Negros Occidental an mga baboy ngan iba pa nga mga produkto hini. Ini in subay han kamanduhan nga guin palusad ni Negros Occidental Governor Eugenio Jose Lacson .
“I hereby declare the banning on the entry of live pigs, boar semen, pork, pork products and other pork-related food items from Region 8,” ka parti han memorandum nga guin palusad han gobernador nga amo liwat an chairperson han Negros Occidental Provincial ASF Task Force.
Na babaraka an gobernador nga iton ira “hog industry” nga nag kakantidadad hin porlominos 6 Billion pesos in bangin ma darahigan kon deri nira ipapatuman an deri pag pasulod han mga baboy tikang ha sinirangan bisayas.
An probinsiya han Negross Occidental in usa nga pinaka dako nga supplier hin baboy ha magka lainlain nga rehiyon ha bug-os nga Pilipinas.
Sobra 500 na nga mga baboy an pinan matay ha bungto han Abuyog agud ma pugngan an pag sarang han kagaw nga na guiguin hinungdan han ka sasakit ha mao nga mga hayop.
