Isumat.com/5:10AM, December 15, 2020
Nagdesisyon hi Ormoc City Mayor Richard Gomez nga magpa-ilarum hin 14 ka adlaw nga pag-kwarentina bisan kun negatibo ha Covid-19 an resulta han iya swab test.
Dida han Disyembre 12, hi Mayor Gomez in nagpakuha hin swab sample ngan negatibo an nagin resulta. Hiya an nagpailarum hin swab test basi maseguro nga waray hiya katapni tungod kay ginatos-gatos ka tawo an iya iginkaka-urusa kada adlaw.
Nagsering hi Gomez nga ginsagdunan hiya han Ormoc City Health Office nga igpadayon nala an pagkwarentina bisan kun negatibo an resulta han swab test. Ini in tungod kay iginkahibalag hiya hin unom ka tawo nga nagpositibo han virus. Hinungdan hini, pira pa ka adlaw nga mag “self-isolate” an alkalde han Ormoc.
Hapagkayana, Disyembre 15, mayda 70 nga Active Cases an syudad. Nahireport gihapon in duha nga senior citezens nga Ormocanon nga Covid Patients an naawat an kinabuhi hadton Disyembre 12. #
