Isumat.com/8:04AM,June 30,2020
Tungod han peligro durot han COVID-19, bisan an nababatasanan nga pakigsasaro ngan pagkaon ha panahon han fiesta in dako gihapon an pagbag-o.
Han pira na ka-dekada nga mga nag-agi nga kapistahan ni Santo Nino de Tacloban, bisan hin-o nga karuyag pumakadto ha kumbento han singbahan in gintatagan hin food pack komo kaparte han tradisyon. Waray damo nga paki-ana, waray damo nga seremonyas basta karuyag hin pagkaon, dudulhan didto han kumbento.
Pero yana nga napapayungan kita han pandemya han corona virus, naghimo hin iba nga pamaagi an parokya basi kalikyan an peligro han pagsarang han kagaw.
Hi Fr. Brylle Callera in nagsumat nga hanhadi pa nag-aghat hira han mga manmaratron nga magpalista o magparehistro hin temprano basi pagkadto nira han kumbento, naka-andam na an ira malon ngan deri na magbubugi-ot. Karuyagsidngon, kun waray advance registration, deri na makaka-agom. Ginklaro han parokya nga yana la ini nga may krisis ha panlawas kay para ini han katalwasan han ngatanan.
Bisan ngani an maapi han fluvial procession ug an motorcade in nagpalista na nga daan ngan limitado an ma-atender. Ini ngatanan in kaparte pa gihapon han health protocols basi deri na maglarab an virus. #
