Kulang na hin lugar nga pag bubutangan para hiton mga mangunguli ha bungto han AlangAlang, Leyte nga ipapa ilarom han 14 days quarantine period ug sugad man para hadton nag positibo han covid virus.
Mahitungod hini nag hangyo hi Mayor Lovely Yu haiya mga igkasi AlangAlanganon ngan han national government nga kon pwede deri mag durongan panguli an mga na stranded ngan mga returning OFW’s haira bungto agud Matagan hin panahon nga hira in makag andam.
Guin sumat ni mayor Yu nga deri na akos hiton ira municipal isolation ngan quarantine facility nga ma akomodar adton iba pa nga mangunguli mahitungod Kay Nga 40 la ka tawo an capacity hini ngan mayda na 27 nga tawo an na okupar ha pagka yana ngan mayda 67 pa nga iba nga naka talaan nga umabot haira bungto.
7 dida han 17 ka tawo nga nag positibo han covid haira bungto an guin dara ha Leyte Provincial Hospital Tungus han ka kulang na hin lugar nga pag bubutangan haira.
Mahitungod hini iya na guin hangyo an iba pa nga mga barangay nga mag andam han ira mga isolation facilities Kay bangin ini pag kinahanglanon ha masunod nga mga adlaw. May pira na nga mga nanguli nga guin butang ha mga isolation facility han mga barangay.
Guin sumat pa ni mayor Yu nga kulang gihapon hira hin mga nurses amo nga iya guin hangyo an Department of Health nga Tugotan an mga nurses nga ha ada ha ilarom han nurses deployment program han Departamento nga makag duty bisan weekends ngan ha gab-I para maka bulig han munisipyo.
Mensahe ni Mayor Yu han mga alangalanganon nga mag kooperar han pag sunod han health protocols ngan deri mag panic mahitungod nga kontrolado hiton iya liderato iton sitwasyon.
An bungto han AlanAlang in mayda na 17 nga covid positive usa nga bungto ha Leyte nga May pinaka damo nga na tapnan han mao nga virus.
