Isumat.com/9:56PM, May 9, 2010
Negatibo ha corona virus an 87 nga swab samples hin mga Suspected Cases ha Rehiyon Otso. Ini in sumala han gibabag-uhi nga report han DOH-Region 8 nga iginpagawas yana nga gab-i.
Ini nga mga samples in tikang han Batches 13, 14 ngan 15 nga iginpadara ha Cebu para han Confirmatory Test ngan kasagaran hini an tikang ha Tarangnan, Samar.
Nagpahayag pa an DOH nga mayda pa ginpapamulat nga resulta hin 231 samples nga ginpo proseso pa ha Vicente Sotto Memorial Medical Center ngan posible umabot na ini buwas nga adlaw (Mayo 10).
Samtang, hi Patient#19, an 66 anyos nga babaye nga taga Tarangnan an igbabalhin ha Samar Provincial Hospital. An iba nga Positive Cases Patient in igpapabilin ha Tarangnan Community Hospital.
Tobtob yana nga adlaw (Mayo 9) aada ha 19 ka tawo an nagpositibo han virus ha Region 8 ngan hapagkayana 869 an Suspected Cases.
Dida hiton Lunes, magtitikang na pag proseso han Swab samples an molecular laboratory ha EVRMC-Tacloban ngan ginbabanabana nga maabot hin 90 nga samples an ira matatagad kada adlaw. Hinungdan hini, tikang sunod nga semana, deri na igpapadara na Cebu an mga samples para han confirmatory test. # (KEVIN SIOSANA)
