Tungod han pag sara han kadam-an nga negosyo ha Tacloban mahitungod han Community Quarantine “no work no pay la anay an mga empleyado subay han patakaran han Department of Labor.
Ini an guin sumat ni Eugene Tan an presidente han Philippine Chamber of Commerce and Industry ha probinsiya han Leyte ngan siyudad han Tacloban ha interview han 99.1 RMN Tacloban.
Pero haiya nga parte, nag hatag hiya hin financial assistance han iya mga empleyado ngan deri la ngahaw hiya sayod kon ano liwat an hinabang nga guin hatag han iba nga mga negosyante ha Tacloban nga miemro han ira grupo.
Nag lalaum hi Tan nga unta deri mag iha anpag pailarom ha quarantine an Tacloban agud mapugngan an pag kuri han mga ordinaryo nga mga mag tratrabaho.
