May kalabutan ha trabaho an posible nga motibo han pag pusila patay kan P/Chief Master Sergeant Renato Singcol han Basey PNP. Ini an guin sumat ni Police Major Daniel Polo an Hepe han Police station 2 han Tacloban ha interview han isumat.com.
Sumala kan Major Polo nga mayda na mga death threats nga na kakarawat an biktima san-o pa man matabo an mao nga insidente hinungdan nga pirme ini may dara nga bullet proof vest subay han istorya han pamilya hini.
Sumala pa kan Major Polo nga mayda inaatubang nga kaso an biktima may kalabutan han partisipasyon hini hin usa nga police operation han nakadto pa ini naka destino ha siyudad han Ormoc nga naguin hinungdan han ka transfer hini ha PNP Regional Command ngan guin pa ilarom ha floating status san-o liwat ini na destino ha bungto han Basey kumo Deputy Chief of Police.
Sumala han imbestigasyon, hi Singcol in naka angkon hin damo nga igo hin bala ha magka lain-lain nga parti han iya lawas tikang hin hag ta-as nga kalibre hin pusil pero an pinaka grabe hini an igo ha ulo nga amo an iya ikinamatay.
Masakay na unta han iya sarakyan hi Singcol kahuman han iya transaksyon ha opisina han Philippine Statistics Authority ha may Congressman Mate Avenue siyudad han Tacloban mga pasado alas onse han udto kakulop han pan mumusilon ini hin duha nga nag paka bangot nga tawo nga sakay hin itom nga sarakyan.
Padayon pa nga guin dudumara an imbestigasyon han mga ka pulisan han mao nga insidente.
An biktima in residente han Ormoc City pero naka destino ha Basey PNP.
