78 Million Pesos nga financial assistance an guin pan hatag ni President Rodrigo Duterte ha mga local government units nga na apektuhan han Bagyo Ursula durante han iya pag bisita ha bugnto han San Isidro, Leyte kakulop nga adlaw.
Naka karawat an 21 nga mga bungto hin tag 3 million Pesos nga amo an mga masunod Alangalang, Babatngon, Palo, San Miguel, Santa Fe, Tanauan, Tolosa, Barugo, Capoocan, Carigara, Jaro, Pastrana, Tunga, Calubian, Leyte, San Isidro, Tabango, Villaba, Kananga, Matag –ob, ngan Palompon.
10 Million Naman an guin hatag ha probinsiya han Leyte samtang an siyudad han Tacloban in 5 Million Pesos.
Bumisita hi Presidente Duterte ha San Isidro Leyte agud personal nga makigkita han ma sobra 200 nga mga anay miemro han New Peoples Army (NPA) ngan mga tag suporta hini nga nag surrender na ha gobyerno.
Naghatag gihapon hin financial assistance an presidente ngadto han mga rebel returnees pinaagi han Department of the Interior and Local Government durante han iya pag bisita.
