Waray plano hi Tacloban city Mayor Alfred Romualdez nga e exend pa an deadline han pag renew han mga business permit kahuman hiton deadline nga guin takda hiton balaod nga amo an January 20 kada tuig.
Sumala kan Romualdez mahitungod han bag-o nga proseso nga ira guin papatuman ha pag renew han mga business permit naguin malaksi na ini ngan haiya pag obserba bangin deri na kinahanglan an extension, ngan kon magkakada man deri na liwat ini malapos yana nga bulan hiton Enero.
Target ni Romualdez nga makuha an business permit ha sakob la hin usa la ka oras mahitungod han pag patuman han bag-o nga mga proseso.
Guin patapod ni Romualdez nga andam an siyudad nga bumulig ha mga negosyante nga deri ma over charged han ira mga kabaraydan , mahitungod hini iba an magkakapot nga grupo han assessment ngan mayda liwat iba nga grupo nga ma nginginano kon mayda mga reklamo parti han mga computation han mga ka baraydan.
Suhestiyon ni Romualdez ha mga negosyante nga personal nga mag renew han ira mga business permit imbes nga masugo la han ira mga bookkeeper agud masiguro nga an eksakto la nga computation an ira babayaran.
Deri na liwat matugot hi Romualdez ha pag gamit han mga fixers ha pag proseso han mga business permit mahitungod nga naguiguin hinungdan la ini hin corruption.
