Baga hin guin papa bay-an la kami hiton gobyerno ngan iton media in waray maupay nga pag tagad ha amon.
Ini an guin sumat nga sentimiyento ni Congressman Sergio Dagooc han Association of Electric Cooperative of the Philippines (APEC) ha mga taga media ha guin dumara nga press briefing hadton naglabay nga Sabado ha opisina han DORELCO
Usa nga ira reklamo an deri pag patuman han Republic Act 11039 o kon an Electric Cooperatives Emergency and Resiliency Fund Act nga an panuyo mabuligan an mga electric cooperative ha pag ayad han mga destroso nga durot han mga kalamidad sugad han bagyo Ursula.
Ha ilarom han mao nga balaud nga pinirmahan hi Presidente Duterte hadton 2018 mag aalotaga an gobyerno hin 750 Million pesos kada tuig nga kukuhaon tikang ha pundo han National Disaster Risk Reduction and Management Council para magamit han mga electric cooperative nga makinahanglan hin bulig.
Pero sumala pa kan Dagooc nga tubtub yana waray pa pundo nga guin alotaga an gobyerno tikang ma pirmahan an mao balaod.
Iton pataraw-an hini sumala pa haiya kay an mga mag babalaud nga nag himo han balaud amo mismo an waray magsunod hini.
Deri liwat patas an Media ha pag sumat han ira mga binubuhat para han kaupayan han mga tag kunsumo han kuryente labi na ha panahon han mga kalamidad agud la mabalik dayon an linya han kuryente.
Ha Panahon kahuman han bagyo yolanda unom nga mga linemen tikang ha magka lainlain nga mga electric cooperative an namatay pero waray ini ma hingadayi han media sumala pa kan Dagooc.
Patakaran na han ira grupo nga mag burublig labi na ha panahon kahuman hiton mga kalamidad agud la maibalik dayon an linya han kuryente pero deri liwat ini na babalita.
52 nga mga linemen nga tikang ha mindanao in ha region 8 matapo hiton bag-o nga tuig agud la maka bulig nga maibalik iton supply han kuryente ha rehiyon kahuman han pag lasurbo ni Bagyo Ursula.
