Kon deri na pwede gamiton an Dengvaxia kontra han Dengue, May plano ba iton gobyerno nga mag himo nala hin kalugaringon nga bakuna nga mas barato, epektibo, ngan deri ka hahadlukan hiton mga tawo.
Usa ini han mga guin pakiana han local media kan Department o Health Secreatry (DOH) Francisco Duque III haiya pag bisita ha siyudad han Tacloban.
Na una hini guin plastar anay ni Secreatry Duque an mga rason kon kay ano nga deri na pwede gamiton an Dengvaxia kumo pangontra han Dengue sugad han mga tawo nga bisan kon na bakunahan han Dengvaxia in nagka dengue la gihapon, an ka habobo han epekto hini ngan an ka mahal han presyo han mao nga bakuna ngan labaw han ngatanan guin bawi na han gobyerno an certificate of product registration hini.
An sunod liwat nga pakiana kon may kapas ba iton gobyerno nga amo nala iton mag himo hin bakuna kontra Dengue agud ma proteheran iton mga tawo kontra han mao nga sakit.
Pamati han mga pahayag ni DOH Secretary Duque para han iba pa nga mga detalye.
