An paghatag la hin financial ngan livelihood assistance an obligasyon han Department of Social Welfare and Development (DSWD) ngadto han mga drug surrenderers nga nag pailarom han community based rehabilitation program ngan deri hira an lead agency han pag patuman hini.
Ini an pag klaro ni DSWD-8 regional Director Restituto Macuto han pahayag ni DILG-8 Assistant Regional Director Artemio Caneja nga an DSWD an responsible han implementasyon han mao nga programa.
Sumala pa kan Director Macuto nga subay han guin organisa nga Inter Agency Committee on Anti-illegal integration Drugs, an kakaptan la nga programa han DSWD ngan DOH amo an social re-integration ngan rehabilitation.
Kasumpay hini nakahatag na an DSWD hin tag 5,000 pesos kumo financial assistance ngadto han mga graduates han drug rehabilitation program han Tacloban City, Tanauan, Leyte ngan han Baybay City.
Pamati han interview han isumat.com kan DSWD Director Macuto.
