Tacloban City, July 29, 2016 – Illegal Drugs ba an hinungdan han pag pataya han duha nga babayi ngan usa nga lalaki nga kon diin an mga patay nga lawas in nahikit-an ha DZR airport han Tacloban?
Ini ba in binuhatan han mga otoridad o liquadation squad nga may connection ha administrasyon ni Presidente Duterte? o mga tawo nga involve han illegal drugs trade ha Tacloban?
Ini amo an dako nga pakiana kahuman nga makilala an mga ngaran han mga biktima ngan han ira mga background nga na hikay han isumat.com.
Nakilala an lalaki nga biktima nga hi Jason Boclatan han Barangay 68 Anibong Tacloban City ngan nakilala pinaagi han iya live-in partner nga hi Christine Jackson.
An duha nga ka babayen-an nga biktima in nakilala nga hira Rowena Rosales ngan 42 anyos han Anibong Tacloban City ngan an usa in hi Che-Che Mantile.
Sumala han impormasyon nga nahikay han isumat.com, Hi Boklatan in usa nga asset han CIDG ngan hi Rosales in usa nga manicurista ngan mag patod an duha nga mga biktima.
Samtang waray pa impormasyon kun ano liwat an trabaho ni Mantile.
An mga biktima in naka ang-kon hin multiple gunshot wounds ha magka lainlain nga parti han ira lawas.
Nahikit-an hin usa nga empleyado han Civil Aviation Authority of the Philippines an mga biktima mga banda alas sais han aga kanina ngan amo liwat an nag report
ha mga otoridad.
14 nga nga mga basiyo hin kalibre 45 an na recover ha crime scene.
