TACLOBAN CITY – Umabot ha 35 Milyones ka pesos an naging inisyal nga danyos han natabo nga sunog ha Merkado ha Hindang, Leyte, Lunes han aga, Setyembre 11.
Sumala kan SFO3 Daniel Lim, Fire marshall han BFP- Hindang nga posible pa umabot ha 40 Milyon an kabug-usan nga danyos mahitungod nga diri pa tanan in nag deklara han “Cost of damages” tikang han mao nga sunog.
Sumala pa kan Lim nga dako an nagin danyos tungod nga 61 tikang ha 100 nga mga establisemento han mao nga merkado an naugbaw.
Ha ira gin dumara nga imbestigasyon, nagtikang daw an sunog ha usa ka videokehan nga kun diin ini in nagsarang ha iba pa nga parte han merkado .
Gin pahayag pa ni SFO3 Lim nga himo la Light Materials an mga tindahan amo nga madagmit an pag sarang han kalayo.
Ira naman gin kikita nga anggulo yana an “Short circuit” tungod han nabatian nga dako nga pagbuto ugsa an mao nga sunog. (Photo credits to: Hindang- BFP)
