Isumat.com/8:53AM, Septembre 04, 2020
Waray na kinabuhi han matad-an han mga baryuhanon an 6-anyos nga babayehay nga taga Brgy Limbuhan Guti, Tanauan, Leyte.
An biktima in ginkilala nga hi MicaJane Olemberio nga iginreport nga nawara kakulop, Setyembre 3, han pasado 5 han aga. Tikang hadto ginpinamiling na han pamilya an babayehay pero waray katatad-i. Gin post pa ngani ha social media an litrato han bata basi makabulig an publiko paghatag hin impormasyon.
Katapos hin 24-oras, natad-an an patay nga lawas ni Micajane ha masighot nga lugar han ira barangay. Dida han inisyal nga imbestigasyon, mayda mga lamhong ngan bun-og ha magkalainlain nga parte han lawas han biktima.
Nagsering an Tanauan PNP nga mayda na nira natudok nga Persons of Interest nga posible may kalabutan hini nga krimen.
Hapagkayana, nagpapadayon pa an imbestigasyon han mga otoridad hini nga kaso. Kadam-an nga mulopyo in napapa-usa kun kay-ano nga makakagawas ha ira balay an bata hadto nga temprano pa han aga ngan igindederi man an pagkagawas han menor de edad yana nga panahon han pandemya. #
