Isumat.com/7:20PM, May 6, 2020
Nag negatibo ha COVID-19 in 32 nga swab samples tikang ha Eastern Visayas nga iginpadara ha Vicente Sotto Memorial Medical Center ha Cebu para han Confirmatory Test.
Dida han iginpagawas nga advisory han DOH-Region 8 yana nga gab-i, ini nga 32 samples in kaparte han Batch#14 han mga samples nga iginpadara ha Cebu. Ini nga Batch in ginkokomponer hin 50 samples.
Hadin Lunes, an 17 nga samples hini nga batch in umabot na ngan negatibo liwat. Mayda pa usa nga sample tikang hini nga batch nga deri pa tapos an pag proseso ha laboratoryo.
Dida naman han Batch#13 mayda pa ginhuhulat nga resulta hin tulo nga samples.
Nahipadara na gihapon ha Cebu an Batch#15 ngan Batch#16 nga samples.
An Batch 15 an may gidadamu-i nga samples kay tikang ini hin 475 ka tawo, samtang an Batch 16 in mayda naman 36 nga samples.
Nagpapabilin nga 14 ka tawo an nagpositibo han corona virus ha Region 8 tobtob yana nga adlaw. # (KEVIN SIOSANA)
