Isumat.com/9:45AM, July 25, 2020
Na-aresto in duha nga trabahante hin gasolinahan dida han mabuksot han mga tinubyanan han balaud an “Inside Job” nga pangawat hin salapi dida han establisemento nga ira gintatrabahu-an.
An mga suspetsado in ginkilala nga hira Marvin Pungtan, 23-anyos; ug hi Christopher Dagoy, 29-anyos; ngaduha gasoline boy han Mighty Fuels ha Brgy Poblacion, Almeria, Biliran.
Dida han aga han Hulyo 24, an nagdudumara han gasolinahan in nakadiskubre nga nawawara an 815,000 pesos nga kuhida han negosyo nga ginhipos didto han safety vault. Kadagmitan nga iya ini igin-report ha Almeria PNP Office.
Han panginano-on an CCTV footage, nabisto nga an duha nga suspetsado an nakasulod ngadto han opisina ngan nakagmani-obra nga ma-abrihan an vault ngan nakuha an dako nga kantidad.
Waray na paglangan an mga otoridad ngan ginsikmit hira Pungtan ngan Dagoy ngan nakuha tikang ha ira an salapi nga kinawat.
Iginpaslak na ha karsel an mga suspetsado ngan maatubang han kaso nga igsasampa kontra ha ira. #
