Mahitungod han ka ma limpyo han ira mga opisina, gin dayaw ni Philippine National Police Chief Guillermo Eleazar an police station 1 han Tacloban City Police Office pinaagi kan Chief of Police Major Lionedes Sydiongco ngan han Palo police station ha probinsiya han Leyte pinaagi kan Police Major Aldo Mendiola an Chief of Police durante ha pag bisita hini han mao nga mga police stations ha nakalabay nga adlaw han Lunes June 7, 2021.
Gin aghat han Chief PNP nga unta pirme magin malimpyo an mga opisina han mga ka pulisan ha ngatanan nga panahon ngan deri la haiya pag bisita agud magin mas maupay an pag kita han mga tawo ha mga kapulisan.
An pag limpyo han mga opisina han police in ka parti la han mga programa ni Eleazar haiya pag lingkod kumo chief PNP nga malimpyohan an kabug-usan nga organisasyon han PNP labi na han mga abusado ngan mga kurakot nga miemro hini.
Haiya mensahe ha mga ka pulisan ha gin dumara nga programa ha Police Regional Office-8 ha Camp Ruperto Kangleon iya gin sumat nga ma sobra singko mil na nga mga pulis an na tangal ha serbisyo ha administrasyon ni Presidente Duterte ngan iya ipapadayon an pag tangal han mga pasaway nga mga miemro ha PNP ha panahon han iya termino kumo PNP Chief.
Yana nga adlaw binisita liwat han Chief PNP an siyudad han Ormoc.
