Isumat.com/8:57AM, December 16, 2020
Usa nga lalaki ngan usa nga babaye an naawat an kinabuhi han paarakan hira hin punglo harani hin usa nga singbahan kakulop, Disyembre 15, ha Bobon, Northern Samar.
Subay han panguna nga imbestigasyon, natabo an panmusil alas 8 han aga ha waiting shed harani han Mormon’s Church ha Brgy Santa Clara.
Ginkilala an mga namatay nga hira Enrico Tepace, taga Brgy Dalakit, Catarman, N, Samar; ug hi Amy Capoquian, 45-anyos, waray asawa, residente ha Brgy Magsaysay, Bobon.
Dida han imbestigasyon, an duha nga biktima in didto han waiting shed han tigda la mayda umagi nga motorsiklo. An sakay hini in nagpabuto hin pusil ngadto han mga biktima. Kadagmitan umiskapo an suspetsado sakay han motorsiklo.
Gindeklarar nga Dead on Arrival an mga biktima han pagdad-on ha hospital. Nagpapadayon pa an imbestigasyon hini nga panhitabo. #
