Tacloban City – waray na halaba nga deliberasyon guin aprobaran han konseho han Tacloban an resolution nga nag hahatag hin katugotan kan Mayor Alfred Romuadez nga mangutang hin 391 Million Pesos ha Landbank of the Philippines.
Sumala kan Konsehal Jerry Uy an Chairman han Committee on Rules Laws and Ordinances nga unanimous an naguin decision han pag apruba han mao nga resolution dida han ira guin dumara nga regular session kakulop nga adlaw.
An kuarta in gagamiton pag construct hin bag-o nga slaughter house nga mag kakantidad hin 113 million , 86 million naman para pag develop han sanitary landfill ngan 192 million nga construction han drainage system.
Kon akos ba bayaran han siyudad an uutangon hini nga kantidadad, sumala kan Konsehal Uy nga may kapas an siyudad nga mangutang mahitungod nga na bayaran na an mga utang hini ha pag tapos han tuig 2015.
Pamatii an interview han isumat.com kan konsehal Jerry Uy.
