Isumat.com/8:10AM,July 01,2020

Waray makakontrol han kinalibutanon nga panginahanglan sanglit ginsikmit han mga tinubyanan han balaud in usa nga sundalo nga AWOL (Absent Without Official Leave).

Ginkilala an suspetsado nga hi PFC Carlito Ebias, 33 anyos, drayber hin habal-habal ngan residente ha Silvino Lobos, Northern Samar. An biktima in 16-anyos nga daragita.

Dida han inisyal nga imbestigasyon, hinsabutan nga nakursunadahan ni Ebias an daragita. Waray makapugong han iya kalugaringon, tigda nga ginhangkupan ngan ginkahaman han suspetsado an biktima. Pero waray magpatarantar an daragita ngan iya ginyabo hi Ebias.

Dumalagan an suspetsado pero ginhalpat han kapulisan ngan na-aresto. Papasakaan hin kaso nga Acts of Lasciviousness in Relation to Child Abuse an AWOL nga sundalo.

Didto naman ha Ormoc City, namatay in usa nga akusado hin murder kay umato hiya han kapulisan nga nagdadakop ha iya.

Hi Rodel Arcenal nga naatubang hin frustrated murder nga kaso ha San Isidro, Leyte. in natoltol han mga otoridad ha Ormoc. Pero han aarestuhon na hiya tungod han iya kaso, umato ini sanglit ginpusil hiya han mga tinubyanan han balaud hinungdan han iya kamatayon. # (KEVIN SIOSANA)