Isumat.com/Setyembre 29, 2021
An nagbabantay han mga preso ha karsel amo an nahipaslak ha selda tungod han paghilambigit hin iligal nga droga.
An mga otoridad in nagdumara hin buy-bust operation ha Carigara, Leyte, Setyembre 29, 2021. Nadakop an usa nga Prison Guard han Carigara Sub-Provincial Jail. Dida han Identification Card nga nakuha tikang han suspetsado, nakasurat an iya ngaran nga hi Ricardito Javines.
Tobtob han ginsusurat ini nga notisya, an mga tinubyanan han balaud in nagdudumara pa hin imbentaryo han gin-aalegar nga droga nga nakumpiskar tikang han suspetsado.
Subay han impormasyon nga nahikay han Isumat.com, an suspetsado in bugto hin usa nga opisyal han Philippine National Police.
Hadin Setyembre 17, hi Marianito Pigar, Jail Guard ha Hilongos Sub-Provincial Jail in nadakop ha buy-bust operation nga gindumara ha Bato, Leyte. #
