Isumat.com/3:00PM, June 14, 2020

Ginkumpirmar han DOH Regional Office nga mayda na Local Transmission han COVID-19 ha Tacloban City ug ha mga bungto han La Paz ngan Hilongos, Leyte.

Ini in dara kay dida han nasabi nga syudad ngan mga bungto may mga nagpositibo han virus nga waray man magbyahe ngadto hin mga lugar nga may mga tawo nga nagdadara han kagaw.

Hinungdan hini, iginrekomendar han DOH an mahugot nga contact tracing, ug an mandatory nga pagpakadto ha Isolation Facilities han ngatanan nga mauli ha aton rehiyon tikang ha iba nga lugar. Iginmando gihapon han ahensya an hingpit nga pangandaman han mga hospital ug an pagmonitor han mga pasyente han Severe Acute Respiratory Illness.

An DOH in nagpatapod nga ira ginhihimo an ngatanan nga panlimbasog basi deri maglarab an kagaw ha Eastern Visayas.

An bungto han Tarangnan in duha na ka bulan nga nahideklarar nga mayda local transmission han kagaw.

Tobtob han ginsusurat ini nga notisya, an Region 8 in mayda na 200 nga nagpositibo han corona virus ngan 35 ka tawo an naka-recover tikang han sakit. #