Agud malikyan an pag sarang han covid virus guin lockdown na an Barangay Mabuhay ha bungto han San Isidro Northern Samar kahuman nga mag positibo an unom ka tawo nga nag balik probinsiya nga sakay han BRP lapu-lapu hadton Mayo 28.
Ha interview han RMN Tacloban ha programa nga “straight to the point” guin sumat ni Police Captain wilfredo Jimenez Chief of Police han Bungto han San isidro nga paka karawat gudla nira han impormasyon nga May nag positibo han covid han mao barangay ira dayon ini guin lockdown.
naka isolate na an unom nga nag positive han covid virus ha Isolation facility han barangay samtang an iba In guin papailarom pa han quarantine sumala pa kan Jimenez.
An barangay Mabuhay in mayda 19 ka tawo nga naka tagamtam han Balik probinsiya nga programa han gobyerno kadam-an hini haira in nawarayan trabaho han Ipatuman an lockdown ha Metro Manila.
