Isumat.com/July 12, 2020
Nagresulta hin trahedya an marisyo unta nga pagka-urusa hin magsarangkay dida han mag picnic hira ha usa nga pisak ha Almeria, Biliran.
Ini in dara kay an ira kausa nga hi Jade Aniban in nalumos ngan namatay samtang nagkakarisyo hira ha Ulan-ulan Falls nga namumutang ha Brgy Caucab, Almeria, Biliran kakulop nga adlaw.
An biktima in residente ha Brgy Tabunan, ngan Senior High Student ha Tabunan National High School.
Subay han nahikay nga impormasyon han Isumat.com, hi Aniban in natalindas dida han hitaas nga parte han bakilid ngan nahulog ngadto han katubigan. Haros duha pa ka oras an nag-agi antis natad-an an iya patay nga lawas.
Ini nga Ulan Ulan Falls ha Brgy Caucab in waray pa madidiskubre han kadam-an nga mga bakasyunista. Iba la ini han Ulan-Ulan Falls ha Brgy Sampao nga maiha na nga bantog nga tourist destination ha probinsya han Biliran. #
