TACLOBAN CITY – Nadakop ha pinag-usa nga pwersa han Taft Municipal Police Station, 14th Infantry “Avenger” Battalion, ngan han Delta Company han 52nd Infantry Battalion, an Number 1 Most Wanted Person nga mayda kaso nga Rape o panlugos ha usa nga menor de edad nga guintutuuhan nga mayda problema ha panhuna-huna.
Sumala kan PSI Jose Tiu, Jr. hepe han Taft MPS, ginkilala an suspek nga hi Vicente Loriaga y Lacanaria, 54 anyos, parag-uma, may-asawa ngan naguukoy ha Barangay Binaloan, Taft, Eastern Samar
Samtang an biktima naman in guinkilala nga hi Maring, diri tinuod nga ngaran.
Nabaruan nga an mao nga suspek in nagtitinago ha interior nga bukid ha parte han usa nga Barangay ha bungto han Taft, Eastern Samar. 
Nakaandam an kaso para han mao nga suspek tikang han warrant nga gin-isyu ni Honorable Presiding Judge Nathaniel Baldono han Regional Trial Court Branch 2 han Borongan City, Eastern Samar, ha ilarum han Criminal Case Number 13199 kontra ha suspek.
