Isumat.com/Hunyo 18, 2021
Padayon nga gin-iimbestigar han kapulisan ha San Policarpo, Eastern Samar kun ano an nakagduso hin usa nga lalaki nga patayon an iya iroy hadin nakalabay nga adlaw.
An biktima in ginkilala nga hi Luz Ortillada, 54 anyos, nag-uukoy ha Brgy Binogawan han nasabi nga bungto. Samtang an suspetsado amo an iya anak nga hi Jerick Ortillada, 23 anyos.
Subay han imbestigasyon, an biktima in maupay la an kalingkod ha ira puy-anan han tigda umabot hi Jerrick ngan dayon ginbunobuno an iya nanay hinungdan han iya kamatayon. Hinsabutan nga hadto nga takna, nakada ha ilarum han impluwensya hin makahurubog nga irimnon an gintatahapan.
Kadagmitan na-aresto an suspetsado ngan detenido yana ha karsel. Nakatalaan igsalawad an kaangayan nga kaso kontra ha iya. #
