Isumat.com/8:48AM, August 10, 2020
Pira ka adlaw katapos madiskubre ha Anuron Beach, Mercedes, E. Samar an mga parte hin eroplano, sugad liwat hini an natad-an han mga residente ha Brgy Taytay, Guiuan, E. Samar.
Dara hini, mahugot na an imbestigasyon han mga natutungdan nga ahensya han gobyerno kun diin tikang an nanhisampig nga mga parte hin eroplano.
An mga imbestigador han Civil Aviation Authority of the Philippine in pumakadto ha Mercedes hadin Mierkules, pero dida han Biernes, nadiskubre liwat ini nga mga parte ha Guiuan.
An Guiuan in 7 kilometros la an distansya tikang ha Mercedes ngan ini nga mga bungto in naatubang ha kadagatan han Pacifico.
Pira naman nga mga tag-obserbar in nagtotoo nga deri ini tikang hin nag-crash nga eroplano. Ha ira pag-obserbar an mga parte nga nanhisampig in tikang hin ginpalupad nga rocket o spaceship nga nagbublag ha kalarakan ngan nanhilaprak ha kalalawdan. #
