Samtang nga an region 8 in aada han listahan han mga pinaka pobre nga rehiyon ha bug-os nga pilipinas, an mga kongresista naman in puros mga milyonaryo.

Ini in subay han mga Statement of Assets liabilities and Net worth (SALN) han mga kongresista han 2018 nga guin pagawas han House of representatives.

An may pinaka dako nga karikuhan amo hi Leyte First District Congresswoman Yedda Marie Romualdez nga may net worth nga 478 million samtang hi Leyte 5th District Congressman Jose Carlos Cari han Cari political dynasty ha Baybay Leyte in mayda la 17 Million nga net worth.

Samtang an net worth han iba pa nga mga kongresista ha leyte amo an masunod: 2nd District Congressman henry Ong 213 Million, 3rd District congressman Vicente Sofronio Veloso 228 Million ngan 4th District Congressman Lucy Torres Gomez 182 Million.

An probinsiya han Leyte in upod ha listahan han top 40 nga mga pinaka pobre nga mga mga probinsiya ha bug-os nga Pilipinas.

Hi biliran Congressman Rogelio Espina han Espina Political Dysnaty in may net worth nga 27 million ngan 58 Million naman an kan Southern Leyte Congressman Roger Mercado.

An tulo naman nga probinsiya han Samar nga aada han listahan han mga pinaka pobre nga mga probinsiya ha bug-os nga pilipinas, an mga kongresista in ngatanan mga miyonaryo.

Hi Samar 1st District congressman Edgar Mary Sarmiento an may pinaka dako nga net worth nga 135 Million, nasunod hi Northern Samar 2nd District Congressman Edwin Marino Ongchuan nga may 93 Million nga net worth, Northern Samar 2nd District Congressman Raul Daza 46 Million, Eastern Samar Congressman Ben Evardone 40 Million, ngan Samar 2nd District congresswoman Milagrosa Tan nga mayda 35 Million nga net worth.

Hi conresswoman victoria isabel Noel naman han “an waray” partylist in may net worth nga 15 million.