(Photo by Rappler)

Isumat.com/12:03PM, Enero 26, 2021

Positibo han Covid-19 hi Mayor Pelagio “Pel” Tecson, an amay han bungto han Tanauan, Leyte.

Mismo hi Tecson an nagpasamwak ha publiko nga na-igo hiya han virus. Sumala han alkalde, pira ka adlaw nga nag-antos hiya han mga sintomas han sakit sanglit nagdesisyon hiya nga magpa swab test, ngan gumawas an resulta nga natapnan hiya han kagaw.

Hapagkayana, hi Tecson ug an iya ginang-maybahay in naka-confine ha usa nga medical facility. An iya mga close contacts in aadto nayana ha Isolation Centers.

Kasumpay hini, iminando na niya an pagderi han bisan ano nga katitirok didto han iya bungtoi tungod han nagpapadayon nga peligro han Covid.

Hi Tecson an ika-lima nga alkalde ha Eastern Visayas nga natapnan han Covid. An naha-una nga natapnan amo hira Dexter Uy (Catbalogan City), Gilbert Go (Giporlos, E Samar), Manuel Aufang ( Palapag, N, Samar) ngan Alfred Romualdez (Tacloban City). Hi Aufang in tumalikod ha kadayunan tungod han gintotoohan nga komplikasyon han iba nga sakit. #