Isumat.com/Agosto 04, 2022

Kinahanglan masayuran an publiko kun kay-ano nga hitaas an kabaraydan han elektrisidad ha aton dapit, ini an igindig-on ni House Deputy Majority Leader ngan Leyte 4th District Rep. Richard Gomez.

Nagsering hi Gomez nga magduduso hiya nga manginano an kongreso han mahal nga power rate ha Ormoc City ngan mga lugar ha Leyte.

Hadton Agosto 2, 2022, an Sanguniang Panglungsod han Ormoc in nakig-istorya ha mga tinaglawas han LEYECO V, Energy Development Corporation ngan National Grip Corporation of the Philippines para hingadayan ini nga problema.

An congresista in nagpahayag nga iya aaroon tikang ha City Council an dokumento kun diin nakasurat an mga kabatunan han mga tinaglawas han electric compnaies kay iya ini pag-iistudyuhan.

Kun deri hiya makuntento han esplinasyon han mga power companies, ginseguro ni Gomez nga magsasmpa hiya hin resulusyon nga magdumara hin congressional inquiry bahin hini nga isyu.

Kadam-an nga mga Leyteno in nawoworok kun kay-ano nga mahal an sukot han kuryente nga denhi man unta ha Leyte an surok han enerhiya pinaagi han geothermal plants ha Kananga ngan Ormoc. #