(File photo)

Isumat.com/ 2:23PM, November 7, 2020

Nalukupan hin kabido-an an pagtigaman han LEYECO IV han ira anibersaryo yana nga adlaw (Nobyembre 7, 2020).

Ini in dara han pagtalikod ha kadayunan han ira lineman nga hi John Paul Aranez. Hi Aranez in namatay kanina han aga katapos la nga madara hiya ha hospital kakulop han makuryente hiya samtang nag-aayad han linya han elektrisidad.

An kooperatiba in nagsasa-urog yana nga adlaw han ira ika-45 nga anibersaryo tikang han katukod ngan pagserbisyo han ira buhatan. An ahensya an nagpadangat han ira tim-os nga pakigduyog han kasubo han pamilya han nawara nga “Warrior of Light.”

An 31-anyos nga hi Aranez in aksidente nga nakuryente kakulop han aga ngan kadagmitan gindara ha hospital pero tumalikod ha kadayunan paghagos hin usa ka adlaw.

An LEYECO IV in namumutang ha Hilongos, Leyte ug ginseserbehan hini an elektrisidad ha Baybay City, Inopacan, Hindang, Hilongos, Bato ngan Matalom. #