Isumat.com/7:24AM, Enero 28, 2021
Maatubang yana hin kaso an usa nga enhinyeyo han sampaan hiya hin reklamo nga pagtalapas han Health Protocols ha Ormoc City.
Dida han notisya han Ormoc News and Updates, hi Engr Antero Bongbong an ginsalawdan hin reklamo hin usa nga frontliner tungod han insidente nga natabo ha border ha Brgy San Juan ha deri pala maiha. Igin-aalegar nga hi Bongbong in waray nahipakita nga kaangayan nga dokumento ngan iya pa gud gingamit an ngaran ni Mayor Richard Gomez ha panuyo nga tugutan hiya makasulod han syudad.
Hadto nga takna, hi Bongbong in masulod unta han syudad kay maagi man hiya tungod kay tikadto daw hiya ha Albuera. An frontliner in namiling han iya mga papeles komo Authorized Person Outside Residence o APOR. Nagsering la an enhinyero nga waray hiya ginkakaptan nga mga dokumento kay baman han una nga tuig naka-agi man hiya kay nagsarit hiya kan Gomez.
Han makasabot hini hi Gomez, iya igindig-on nga waray niya gintatagan hin otorisasyon paggamit han iya ngaran ha sugad hini nga mga sitwasyon. Kasumpay hini, kadagmitan nga iminando han alkalde an pagsampa hin kaso ngan pagdakop han inhenyero. #
