Isumat.com/8:29AM, October 5, 2020

Nagka-asdangay an mga kapulisan ug an mga rebelde nga kumunista ha Brgy Giaboc, Gandara, Samar hadin nakalabay nga adlaw.

An mga elemento han PNP Regional Mobile Force Battalion in nagdudumara hin operasyon didto han mao nga lugar han igkasurapo hira hin porlomenos lima nga mga rebelde nga NPA.

Sumala han report, umabot ha singko minutos an pinusilay ha butnga han duha nga grupo ugsa nangiskapo an mga rebelde. Waray samaran ha panig han mga tropa han gobyerno ngan waray liwat hisabti kun may na-igo ha panig han mga rebelde.

An mga otoridad in nakakuha hin kalibre 45 nga pistola, mga bala ngan personal nga gamit dida han lugar han panhitabo. #