Gin kumpimar han DOH Region 8 nga mayda na tawo ha Eastern Visayas nga positibo han COVID-19. An pasyente in tikang ha Catarman Northern Samar ngan 51-anyos nga babaye.
Sumala pa han DOH, may travel history ini nga pasyente ha Japan ngan umuli nganhi ha Pilipinas. Hapagkayana, an pasyente in naka confine ha EVRMC ngan ginklaro ni DOH Director Minerva Molon nga maupay an kahimtang han iya panlawas.
Kasumpay hini, an DOH in naghihimo na hin contact tracing han mga tawo nga iginka upod-upod han pasyente.
Naghangyo naman an DOH ha publiko nga intindihon an kahimtang han pasyente ug an pamilya niya ngan deri mag yinakan kontra ha ira.
Dida han latest report han DOH, 462 na ka tawo ha Pilipinas an positibo han virus, 33 ka tawo an namatay samtang 18 na nga pasyente an naka recover. #
