Isumat.com/8:46AM, Marso 4, 2021

Mayda ba aksyon an mga LGU ngan PNP kontra han iligal nga pagdumara hin numbers game ha kadam-an nga bungto ha probinsya han Leyte?

Ini an paki-ana han damo nga mulopyo tungod han pagpagawas hin mga ebidensya nga klaro nagpapadayon an operasyon han Peryahan ng Bayan nga suspendido ug waray katugutan tikang ha Malakanyang ngan Philippine Charity Sweepstakes Office (PCSO).

Denhi ha Tacloban ngan Leyte, an Victoria Development and Ventures Corporation (VDVC) amo an kompaniya nga gintugutan han gobyerno ngan PCSO nga maghimo han Small Town Lottery (STL). An STL han VDVC amo an ligal ngan subay han patakaran han PCSO.

An mga nagpapataya han Peryahan nga naglilibot-libot para han swertres ngan pick-2 in mga iligalista ngan angay unta dakpon kay deri ini sakop han STL ngan waray permiso han PCSO.

An VDVC in naningkamot paghikay hin mga ebidensya kasumpay han iligal nga operasyon han Peryahan ug amo ini an ira nakuha nga mga aktuwal nga stub o bet slip ngan litrato hin patayaan han iligal nga peryahan.

an mga ebedensya han iligal nga pagpataya ha Abuyog, Leyte.
Iligal nga pagpataya ha Carigara ngan Jaro.
Iligal nga pagpataya ha Carigara ngan San Miguel.

Iginbuyagyag gihapon han VDVC nga subay han ira panginano 90 porsyento han mga bungto ha Leyte in nagpapabilin an supak ha balaud nga pagdumara ngan pagpapusta han Peryahan ngan iba pa nga Illegal Numbers Game.#