Isumat.com/ Disyembre 30, 2022
Ginhihingita han Leyte V Electric Cooperative (LEYECO V) nga madalagan na ngan makakaghatag hin kadugangan nga suplay hin kuryente ha tuig 2025 an pagtutukuron nga Hydropower Plant ha Kananga, Leyte.
Ha notisya han Ormoc News and Updates, iginpresentar han mga opisyal han LEYECO V an dagway han nasabi nga proyekto han mao nga kooperatiba nga makakagsuplay hin 2 megawatts hin kuryente.
Ini in titikangan sunod nga tuig ngan ginmamalahuman hiton 2025 basi magamitan dayon.
Sumala pa han report, ini in aadto ha Bao River ha bungto han Kananga.
Panuyo han proyekto nga mapa-ubsan an presyo han kuryente ha ira lugar ngan maghahatag ini hin benipesyo para han Host Communities.
Makakagdugang gihapon ini hin trabaho ngan makakabulig han programa han gobyerno nga Renewable Clean Energy. #
