Isumat.com/Nobyembre 18, 2021

Duha na nga Gomez an kandidato pagka-alkalde ha Ormoc City para han tiarabot nga eleksyon sunod nga tuig.

Amo ini hira Leyte 4th District Rep. Lucy Torres-Gomez ngan Glend Gomez. Hi Glend in lumiwan kan Oscar Ligoro dida han Nobyembre 15, 2021, nga amo an deadline han withdrawal ngan substitution han mga kandidato.

Dida han impormasyon han Ormoc News and Updates, hi Ligoro an nagwithdraw ngan iya kabalyo hi Glend. Hira ngaduha in miembro han Partido Pilipino sa Pagbabago.

An usa pa nga kandidato han mao nga pwesto amo hi Edward Codilla nga ginperde hadto ni Lucy ha pa-isan-isan pagka kongrersista.

Sumala hin katatapuran nga mga surok, hi Glend in tawo daw han pamilya Codilla, ngan posible estratehiya ini pag-gupong han mga botante labi na an maluya an pagbasa ngan pag-intinde han balota.

Tobtob han ginsusurat ini nga notisya, waray pa pahayag hi Glend Gomez, sugad man hi Cong. Lucy ug an kampo ni Codilla kasumpay hini nga isyu. #