An nadakop nga drug suspect Arturo Hemplo (naka itom nga t-shirt) Photo by PDEA-Samar

Isumat.com/10:23AM, Pebrero 23, 2021

Arestado han mga operatiba han PDEA-Samar in usa nga empleyado han Calbayog City-LGU ha usa nga bust operation ha Brgy Balud han nasabi nga syudad.

Ginkilala an suspetsado nga hi Arturo Hemplo, watchman ha Calbayog City Hall. An buy-bust in gindumara Pebrero 22, han gab-i.

Nakumpiskar tikang kan Hemplo in tulo ka sachet hin gin-aalegar nga shabu balor hin 45 Mil pesos, ug an 500 pesos nga buy-bust money.

Iginturn-over han PDEA an suspetsado ha Calbayog City PNP basi didto igpaslak samtang gin-aandam an mga kaso kontra ha iya. An narekupo nga droga in gindara ha PDEA Regional Office Laboratory basi igpailarum hin eksaminasyon. #