(Image by whatalife.ph)

Isumat.com/8:10AM, July 16, 2020

Igpapailarum la gihapon ha Community Quarantine an bug-os nga Sinirangan Bisayas tobtob hiton Hulyo 30, 2020.

An Ormoc City ngan probinsya han Southern Leyte in magpapabilin ha General Community Quarantine (GCQ), samtang igpapasunod naman an Modified GCQ-Medium Risk ha Leyte, Samar, Biliran ngan Tacloban City.

An mga lalawigan han Eastern ngan Northern Samar in padayon ha ilarum han MGCQ-Low Risk.

Ini nga mga klasipikasyon hin kwarentina ha Region 8 an pinakahabubo nga mga Quarantine Levels ha aton nasud.

Padayon nga nagpapahinumdom an mga otoridad han panlawas nga hingpit nga sundon an mga health protocols sugad han pagsul-ot han face mask, physical distancing ngan pirmi panhunaw han kamot.

Samtang, an Metro Manila in igpapabilin ha General Community Quarantine, ug an Cebu in iglulusad tikang ha Enhanced Community Quarantine ngadto ha Modified ECQ. #