Isumat.com/7:19AM, Pebrero 23, 2021

Pira la ka adlaw tikang mamatay in usa nga bata ha Bobon, Northern Samar tungod han pakatamak hin “live wire,” duha naman nga kalalakin-an an tumalikod ha kadayunan han makuryente hira ha bungto han Lope de Vega.

Dida han report han Northern Samar PNP, ginkilala an duha nga biktima nga hira Roberto Irigan, brgy tanod; ug an plumber nga hi Romeo Interior. Hira in mga residente han Brgy Cawayan, Catarman.

Dida han imbestigasyon han kapulisan, hira Irigan ngan Interior in nag-aayad hin tubo hin water pump ha Brgy Poblacion, Lope de Vega han aksidente nakakapot hira hin live wire. Gindara hira ha hospital pero gindeklarar nga Dead on Arrival.

Hadin Sabado, usa nga bata nga lalaki an binawi-an hin kinabuhi han makatamak hin live wire ha Brgy Acedera, Bobon, Northern Samar. Ini nga insidente amo gihapon an nagin rason han kawarayi elektrisidad dida han lugar. #